Azərbaycanda son bələdiyyə seçkiləri 2019-cu il dekabrın 23-də keçirilib. Qanunvericiliyin tələblərinə görə, bələdiyyə seçkiləri 5 il ərzində keçirilməlidir. Həmin müddət 2024-cü ilin dekabrın 24-də başa çatıb. Bəzi müstəqil hüquqşünaslar bələdiyyə seçkilərinin bir aydan çox gecikməsini qanun pozuntusu kimi dəyərləndirsələr də, bununla bağlı hər hansı rəsmi izahat olmadı. Amma ayrı-ayrı deputatlar mövzu ilə bağlı açıqlamalarında bunu 2024-cü ilin noyabrında Bakıda COP29 tədbirlərinin keçirilməsi ilə izah ediblər.
Bələdiyyə seçkilərində pozuntular - Topa bülletenlər və MSK-nın kamerasına düşənlər
Yanvarın 29-da Azərbaycanda bələdiyyə seçkiləri keçirilib. 118 dairə üzrə (5 mindən çox məntəqədə) seçkilərdə 16 mindən çox namizəd iştirak etdi. Seçkilər nəticəsində 685 bələdiyyəyə 8 min civarında üzv seçilməlidir.